Un supuesto agresion na Hulanda di dos polis na un abogado Afroamericano diahuebs a lanta un polemica di berdad, ya cu e agentenan ta desmenti esaki y a presenta un keho na e Corte Internacional di Husticia, unda e demandante ta traha.
E abogado, Chaka Laguerre, a sigura cu e tabata victima di “brutalidad policial pa motibonan racial”, ora cu el a wordo deteni crusando caya cu su bicicleta den lus cora.
Mediante un nota publica riba su profile di Facebook e abogado a splica e supuesto agresion policial.
“Dos oficial di polis Hulandes, di sexo masculino, nan a detenemi y a hincami den un calaboso, ora cu mi tabata bayendo mi trabao y mi a termina den hospital lincha, bati y herida”, el a detaya.
Polis Hulandes a mustra su indignacion den un comunicado na e acusacionnan falso aki y a nenga di a actua den cualkier forma racista contra Laguerre.
Segun e hoben Mericano, el a mustra su identificacion di su trabao y no su paspoort pasobra e no tabata tin’e cun’e y el a sigura cu nan no a dun’e e oportunidad di mustra nan su permiso di residencia na Hulanda.
Di otro banda, algo similar ta lantando polemica den e capital Hulandes.
Un mucha color scur di diesdos aña a wordo deteni pa polis na Amsterdam, door di no tabata kier a mustra su identificacion.
Diferente organisacion y politiconan a pidi pa investiga e caso.