Aruba Fair Trade Authority (AFTA) na 2024 lo orienta su trabao primeramente riba supermercado y makelaar [di real estate]. Den e sectornan aki AFTA ta bay haci investigacion tocante e funcionamento di mercado, pasobra e sectornan aki ta di gran importancia pa e poblacion di Aruba. Esaki tabata recientemente e decision di Directiva di AFTA.
Desde 1 di januari 2024 AFTA, ta e autoridad independiente encuanto competencia, autorisa pa mantene supervision riba funcionamento di mercado y cumplimento cu e reglanan nobo cu ta estableci den e Ordenanza encuanto Competencia (Mededingingsverordening). E reglanan nobo aki ta encera cu empresa no mag di limita e competencia entre nan y no mag abusa di un posicion di poder economico.
Por ehempel, si empresa, entre nan o dentro di un organisacion sectoral, a palabra cu nan ta bay aumenta nan prijsnan di benta cu 5%, un acuerdo asina ta prohibi. Tampoco nan por intercambia informacion entre nan. Cada empresa mester determina riba nan mes nan prijs di benta. Meta di e reglanan nobo ta pa combati e tipo di limitacion aki di competencia, y asina promove competencia. Mas competencia ta conduci na prijs mas abao, miho servicio, miho calidad y mas innovacion. Consumido y empresario ta probecha di esey. Empresa nobo cu ta desea di drenta mercado ta haya miho oportunidad, loke ta stimula desaroyo economico di Aruba.
Empresa y nan colaboradornan ta obliga di coopera cu investigacion di AFTA. AFTA por rekeri informacion y scucha persona.
Cualkier persona cu por duna AFTA informacion tocante competencia den sector di supermercado o makelaar, por acudi na AFTA. Esey por a traves di su website ([email protected]), via email o via un cita telefonico. AFTA tin proyecta pa finalisa e prome investigacionnan pa fin di aña.
Mas informacion encuanto e relato informativo aki bo por haya cerca Presidente di AFTA, drs. F. R. Sintjago Sintjago via [email protected].
