BRABANT, Hulanda- Un supermercado na Sint-Michielsgestel diamars mainta lo cuminsa cu’n ora di silencio. Entre 8 or y 9 or di mainta bo lo no tende niun zonido cu lo por molestia. E background music y e zonido di e cahanan tambe ta wordo paga, e luznan lo wordo gedim. E cashier lo ni puntra e cliente si e kier stampia.
Asina ta crea un ambiente pa esunnan cu ta sufri di autismo of personanan cu ta hipersensible pa estimulonan por haci nan compras trankilamente.
E idea di e ambiente di calmo ta bin for di Gran Bretania, segun Eva Mennes di Albert Heijn. El a tuma contacto cu e Nederlandse Vereniging voor Autisme (NVA) y a pidi un lista di zonidonan cu ta molestia. “Despues nos a ricibi mas o menos 25 persona cu a reacciona y e lista mes tabata basta largo”, Eva Mennes ta bisa. “Mas di 100 punto, di cual un ta overlap otro”.
Ademas di e zonido, algun cliente ta irita nan mes na articulonan cu ta schuins ariba e shelf of palletnan di e shelfpackernan cu ta para mei mei di e gang. P’esey e ora di trankilidad ariba diamars mainta. “Na e momentonan ey no tin shelfpackers trahando. Esey ya caba ta haci un diferencia”, segun Mennes a bisa na Omroep Brabant.
E tiendanan si ta accesibel. E personal no mester susura. “Si nos tin nos trahadonan, manera e personal di seccion di berdura, cu ta duna instruccion con pa adapta nan trabao”.
E supermarket ta algun meter leu di Kentalis, un instituto cu ta duna apoyo na personanan cu problema di oido, sordo, sordociego, problema cu trastorno di desaroyo di lenguahe. E grupo aki ta esun cu lo beneficia di e iniciativa aki ora cu nan bay haci nan compras.