Pa combati soledad entre adulto mayor, un cadena di supermercado a habri “kletskassa” caminda nan por combersa cu e cahero sin haci co’i pura.
Un experiencia pensando riba hende
E “kletskassa” ta un caha di pago special cu ta diseña specificamente p’e clientenan mayor cu por aprecia un poco mas di combersacion y interaccion cu e cahero.
E kletskassa tin como obhetivo brinda un experiencia di compras mas personal p’e clientenan mayor cu por experencia sentimento di aislamento of soledad. E caheronan cu ta trata n’e caha ta capacita pa tuma tempo pa mantene un combersacion cu e clientenan y brinda un ambiente amigabel y acogedor. Esaki por yuda crea un sentido di comunidad y pertenencia p’e clientenan mayor cu por ta no tin tanto oportunidad pa interaccion social.
Bo por combersa cu e cahero mientras cu bo ta haci bo pago
E iniciativa di kletskassa di Jumbo ta parti di un esfuerso mayor di e empresa pa promove inclusion social y atende e problemanan social. Fuera di e kletskassa, e compania tambe a introduci un serie di otro programa pa yuda e adultonan mayor, manera servicio di entrega na cas y descuento special p’e personanan mayor.
“Si nos por hunga hasta un papel chikito den e lucha contra soledad, esey ta hopi bon. Esey ta loke nos kier ta na Jumbo: mira realmente e cliente, toca su curason, mira e alegria riba nan cara,” e director general di e empresa, Colette Cloosterman-van Eerd, ta sigura.
Y con a ricibi esaki?
E kletskassa a wordo bon ricibi p’e adultonan mayor, hopi di cual a elogia e iniciativa pa su capacidad di brinda un sensacion di conexion social. Hopi cliente mayor ta informa cu e kletskassanan ta haci nan sinti mas comodo y bonbini den e tienda y cu e combersacionnan cu e caheronan a yuda nan alivia e sentimentonan di soledad y aislamento.
Fuera di e beneficionan p’e clientenan mayor, e kletskassa tambe tin un impacto positivo riba e caheronan cu ta traha n’e caha aki. E empleadonan aki ta informa cu nan ta sinti un sensacion di satisfaccion di por conecta y marca un diferencia positivo den bida di e clientenan mayor.
“Debi na tur e medionan digital y e purbamento cada biaha mas grandi, ta nota cu e necesidad di e calor humano ta cada biaha mas hopi. Realmente ta un esfuerso chikito yuda yena saco na caha y tin un combersacion agradabel n’e mesun momento. Bo ta demostra cu tur ta importa,” Cloosterman-van Eerd a añadi.
Algo simpel pero poderoso
E kletskassa ta un iniciativa simpel pero poderoso cu ta demostra con cambio chikito den e ambiente minorista por tin un impacto significativo den bida di hende. E ta mustra cu e empresa por hunga un papel crucial pa atende e problemanan social y promove inclusion social. Door di crea un experiencia di compra mas personal y acogedor p’e clientenan mayor, Jumbo no solamente ta atende cu un problema specifico di soledad, sino cu tambe ta contribui na un sociedad mas inclusivo y igual.
E iniciativa di kletskassa di Jumbo tambe a ricibi elogio di organisacion y experto den salud mental. A resalta e importancia di e interaccion y conexion social pa mantene un bon salud mental, particularmente p’e adultonan mayor cu por ta na riesgo di aislamento y soledad.
E ta demostra con e empresanan por hunga un papel positivo pa atende cu soledad y promove inclusion social. Ta un ehempel cu e otro empresa y organisacion mester sigui y tambe demostra cu e accionnan chikito por marca un gran diferencia den bida di hende.
Hulanda a dal un bon paso den modernisacion di e supermercadonan. Den e caso aki, tabata e cadena Jumbo cu a pone di moda e asina denomina “kletkassa”, cu e fin tin un caracter social marca y cu ta destaca door di un mayor contacto cu e cliente.