CIENCIA
Diamars proximo, 19 di februari, lo por observa un ‘superluna di sneeuw”, e luna mas grandi y mas briyante di henter aña, cu caracteristicanan cu no lo bin bek te cu 2026.
Esaki ta e di dos di e tres superlunanan di e aña aki. E siguiente lo tuma luga dia 21 di maart. E fenomeno espectacular aki ta conoci como ‘luna di sneeuw’, ya cu hopi biaha e ta aparece e mesun tempo cu tin hopi sneeuw den e hemisferio norte di e planeta.
E ‘superluna’ ta un fenomeno cu ta tuma luga ora cu luna ta den su perigeo (su punto mas cercano cu Mundo), cual ta haci cu e ta mustra mas briyante y mas grandi cu’n luna normal.
Dia 19 di februari, e luna lo ta na 355.665 km di Mundo y lo tin un aspecto un 14% mas grandi y un 30% mas briyante cu normal.
Desde e continente Mericano, e miho momentonan pa observa e luna lo ta dialuna prome cu manece. Pa Europa, Asia, Africa y Australia, e miho bista lo ta diamars den oranan di atardi (ora cu solo sali).
E nomber ‘Luna di Sneeuw’ a haya un nomber for di e Nativo Americanonan cu tabata nombra e lunanan pa sigui e temporada, siendo februari un luna cu hopi sneeuw.