Diabierna 18 di november a tuma luga un parada di Superhereos di Aruba.
Esaki ta un idea y union entre, polis, brandweer, Bureau RampenBestrijding Aruba, Kustwacht, Ambulance cu a yega hunto pa forma parti di un gran parada cu a bishita scol pa scol di San Nicolaas te Oranjestad.
Muchanan a gosa y tabata hopi emociona pa mira nos superheroe nan di serca. Na cada scol cu nos di MasNoticia a yega, muchanan tabata prepara cu disfras di superheroe, otro nan tabata tin celebracion celebracion di dia di Derecho di Mucha na e scol bishita.
E meta di e mainta aki tabata pa bishita cada scol y mustra e muchanan cu nan no mester tin miedo di nos team di refuerso policial, kustwacht, ambulance, BRA paso hunto tur ta contribui na siguridad di nos pais y nos hendenan.
Cu un tremendo show nan a trece e muchanan mas serca di nan y e mensahe final tabata pa tur mucha sa cu nan tin mes un derecho cu cualkier ser humano, pa un educacion, y un bida digno yena cu alegria.
Un pabien e team Super heroenan di Aruba y na tur cu a contribui na pa e parada aki por tabata un exitoso.