Luna di December, un luna special y dedica na yuda Cruz Cora Aruba. Super Food Plaza cu su bunita “Care Program” durante ful december, ta aporta na e trabou di Cruz Cora hunto cu tur su clientenan. E cliente por haci un donacion na momento di paga na cahera y asina participa tambe pa gana bon premio di Super Food, y asina contribui pa Cruz Cora sigui yuda esunan den dificultad. Cruz Cora ta hopi gradici cu Super Food pa gesto aki y ta invita tur cliente di Super Food pa haci su donacion y yuda cu trabounan manera: duna asistencia social (cuminda) na famianan den necesidad, asistencia di prome auxilio durante actividadnan publico, contribui cu campañanan di concientizacion, sostene programanan pa hende grandi, organiza eventonan pa persona cu limitacion y hopi mas. Por pasa na e mesa di información di Cruz Cora tambe na Superfood pa haña mas informacion y haci un donacion. Yuda Nos Yuda Otro!