For di 1866 e tres fenomenonan no ta coincidi. E eclipse, cu lo ta total, lo mustra e luna di color cora. Esaki lo por wordo observa desde Asia y te cu west di Norteamerica.
E Supermoon aki ta ora cu e luna ta na su punto mas cerca di otro, y e bluemoon ta ora cu ta dos luna yen den un mesun luna, y un eclipse (of luna di sanger, pa e color cora cu e luna ta haya) y dia 31 di Januari 2018 e tres fenomenonan lo coincidi cu otro.
E Supermoon ta mustra mas grandi cu normal y hopi mas briyante. Na momento di e eclipse, segun NASA a splica, e totalidad lo ta visibel ariba henter Oceano Pacifico, for di oost di Asia te cu west di Norteamerica.
“Lentamente e luna lo cuminsa perde su briyo y lo haya un color cora debi na e forma con e atmosfera ta inclina ariba e luz”, según e agencia.
Generalmente e Bluemoon ta presenta cada dos aña. Pero door cu e satelite no sa di calender, den 2018 lo tin dos Bluemoon, na Januari y na Maart, mientras cu na Februari lo no tin luna yen.
E eclipse lo mester sper’e minuciosamente. E lo cuminsa pa 10:51 y su momento maximo lo ta pa 12:51 y lo caba pa 4 or y 08. Esunnan cu ta lanta marduga lo por wak’e: e hora internacional corresponde na poco prome cu manece. Na diferencia di eclipsenan parcial, e luna lo cambia di color.