Dialuna marduga Sunset Carrental a bira victima di ladronicia. Mashinnan di compresor y mas cos a ser horta. E representante di e carrental a splica mas di loke a tuma lugar den nan negoshi.
Aparentemente 2 persona a drenta entre 12or y 1’or di mainta. Nan a subi e tereno y a bay cu e compresor. Esaki ta un compresor cora di 3,7 horsepower y nan a bay cu un jack y tambe cu e slang di e compresor. Despues di esey nan a tuma nan tempo door di kibra e heki y pone un pickup eynan pa despues load esaki. Esaki ta bao di investigacion di recherche y ta pidi pa comunidad no cumpra e productonan aki.
E incidente a wordo graba y e imagennan lo wordo pasa pa recherche. Tambe lo tuma contacto cu e demas edificionan rond cu tin camara pa asina purba di capta e number di plachi di e pick up. Esaki lo bay pa recherche pa asina haci nan investigacion.
Tin un sospecho y una bes cu esaki ta concretisa, lo laga sa mas detaye riba esaki.
Si en caso cu topa cu hendenan cu ta purba di bende e mercancia, por yama polis of tambe Sunset Carrental mes na 5940448.
Tambe si sa algo di e sucedido, tin algun top, por tuma contacto cu recherche, polis of tambe e propietario mes.