Stichting JA IK ARUBA ta continua di inverti den desaroyo di hoben y hoben adulto despues di caba un aña escolar exitoso cu participacion di mas cu 250 hoben na nos programa “from Good to GREAT”. Awor den vakantie nos lo duna un oportunidad extra, esta SummerTour cuminsando 23 di juli. Esaki lo continua den e aña escolar nobo tambe y cu participacion cu hasta mas hoben, sigur 500 caba.
Pero awor den vakantie grandi nos kier duna e hobennan y adultonan hoben un oportunidad tambe pa ser conoci cu e programa “from Good to GREAT” unda nos ta siña comportacion, actitud y liderazgo cual ta importante awendia pa logra bo metanan. Y tambe pa por traha exitosamente. E participante por uza e conocemento cu bon resultado den practico.
Kico ta SummerTour?
SummerTour ta encera un training di cuater dia di comportacion, actitud y liderazgo personal. Nos lo combina e teoretico cu un tour den un compania. Unda e participantenan mester practica locual cu nan a siña y asina por midi unda nan ta para y na unda nan mester yega ainda. Na final di e tour lo sigui un analisis den grupo unda nos lo splica kico por siña ora pone teoretico y practico banda di otro.
E programa di cuater dia ta siguiente:
– Dia 1: Training di 18:00 – 21:30 uur
– Dia 2: Training di 18:00 – 21:00 uur
– Dia 3: Tour di 8:30 – 12:30 uur
– Dia 4: Training di 18:00 – 21:00
Esunnan cu a participa na SummerTour ta miho prepara pa nan estudio, siguiente aña di estudio sea ora di core stage of lo tin un trabou.
Pa kende?
SummerTour ta enfoca riba lo siguiente participante:
– Hobennan y adultonan hoben kende lo sigui cu in opleiding na e aña escolar proximo;
– Hobennan y adultonan hoben kende ainda no tin e compartacion, antitud sea liderazgo personal pa realisa nan metanan;
– Hobennan y adultonan hoben kende ainda kier logra mas;
– Adultonan hoben cu lo subi mercado laboral.
Edad di e participantenan lo mester ta entre 14 y 30 aña. Ora di traha grupo nos lo tene cuenta cu e edad pa asina e diferencia lo no ta demasiado grandi.
Kico ta e gastonan?
E training ta un programa special traha y nos ta ofreciendo esaki caba na Hulanda desde 2015. Despues di gua y inspira mas cu 250 hoben y adulto hoben na Aruba, nos tin un bon bista riba kico hobennan y adultonan hoben local mester pa realisa nan estudio aki sea den exterior y pa subi e mercado laboral exitosamente. Gastonan di SummerTour ta Afl. 240,- pa participante.
Fecha?
E training lo cuminsa riba 23 di juli. Espacio ta limita, pa cada training tin un maximo di 25 participante.
Stichting JA IK ARUBA nos por ofrece SummerTour cuater biaha:
●1e training: Diamars 23 juli t/m Diabierna 26 juli
●2e training: Dialuna 29 juli t/m Diahuebs 1 augustus
●3e training: Dialuna 5 augustus t/m Diahuebs 8 augustus
●4e training: Diabierna 9 augustus t/m Diaranzon 14 augustus
Pa participa na SummerTour, por fabor manda un mail pa dhr. Jalken Antonia na [email protected] si ta desea mas informacion por manda un mail na e mesun adres bou mencion di “SummerTour”.