Bern, SUIZA- Fiscalnan Suizo a declara diabierna cu nan tin “indicacionnan concreto” cu ta mustra spionahe politico di ciudadanonan Turco cu ta biba na Suiza, segun BBC News.
E minister Suizo di Relacionnan Exterior a informa su homologo Turco cu Suiza lo ta investigando cualkier actividad di inteligencia ilegal riba e referendum controvertido di otro luna cu lo duna e actual Presidente
Recep Tayyip Erdogan hopi mas poder, pero pa esaki por tuma luga e lo mester di e voto di Turconan bibando na Turkia y e cuater miyon ciudadanonan Turco cu ta biba den exterior.
Suiza ta cas di 70 mil ciudadano Turco y algun otro Turco cu ta criticonan di e gobierno di Erdogan, kendenan a denuncia cu nan tabata wordo spiona durante un conferencia na universidad di Zurich, na Maart ultimo.
Erdogan a bin ta purba organisa rally nan pa e voto den algun pais Europeo, pero el a wordo blokia cual a conduci na situacionnan tenso cu Alemania y Hulanda.
Fuente: https://article.wn.com