Entrante 1 di Januari 2019 e salario minimo pa ora na Corsow lo keda oumenta a consecuensia di indecashon basa riba oumento di preisnan pa consumido entre Augustus 2017 4 Augustus 2018. Sueldo minimo pa ora ta conta pa tur trahado, incluyendo personal domestico. E salario minimo, cu excepcion di trahadonan bou di 21 y personal domestico, ta NAf. 9,37 pa ora, entrante 1 di Januari 2019. E suma trahando 40 ora pa siman ta bira NAf 374,80. E suma pa luna trahando 40 ora pa siman mester bira NAf 1.622,88. Pa personal domestico cu ta biba na cas di e dunado di trabou, por deduci un montante te cu un mxximo di NAf 300,- (tres shen florin) pa luna for di e sueldo minimo relaciona cu gasto di cuminda y pa biba den e mesun cas. Trahadonan for 16 aña di edad pero cu no a alcansa e edad di 21 aña, tin derecho riba un sueldo minimo cu ta rasonabel compara cu e sueldo minimo pa ora cu ta vigente. E trahado hoben di entre 17 /16 aña mester haña NAf 6,09 pa ora, di 18 aña mester haña NAf 7,03 pa ora, di 19 aña di edad mester haña 7,96 pa ora y di 20 aña di edad mester haña 8,43 pa ora.