Sue Ann Ras (MEP): Mester mehora comunicacion como tambe proceso y toma di decision den enseñansa

“Ultimamente varios persona a acerca mi tocante e problematica di examen den enseñansa secundario. E cuestion ta trata tocante e docentenan cu no a logra caba di duna e materia, debi na e crisis ocasiona pa e pandemia di Covid-19. Pero tambe ta inclui e instancianan concerni, cu ta keda exigi cu cierto parti di materia (cu no a wordo trata cu e studiantenan) mester ta den e examen, pa mantene e calidad di examen. Un situacion dificil y fastioso, pero sigur nos mester atende cu urgencia y den trahamento hunto, paso e pregunta final lo ta: Con ta para cu e studiantenan cu si mester traha e examen concerni?”

Den un declaracion basta amplio e exparlamentario y candidato di MEP den e proximo eleccion di dia 25 di juni, ta papia di e hoben cu ta experencia e problema den enseñansa.

Banda di esaki, e ta elabora riba comunicacion y procesonan den e sistema actual di enseñansa. Cu esaki ta algo cu cada participante tin cu carga nan responsabilidad.

E ta finalisa splicando kico MEP lo haci den un proximo gobernacion.

Sue-Ann Ras tabata parlamentario di MEP te ora cu a atrap’e den un reunion di Tweede Kamer ta wak Nextflix. A causa di esaki el a dicidi di entrega su retiro. Awo e ta postula su mes un biaha mas riba partido MEP.

 

Comments

comments