BUENOS AIRES, Argentina- E desaparicion di un submarino militar Argentino cu 44 tripulanta a bordo, a desata un buskeda intenso pa localisa e submarino. E submarino lo a sufri un problema di comunicacion, segun Armada Argentino.
Den su ultimo contacto cu base, dos dia pasa, e submarino ARA San Juan tabata situa den e sur di e mar Argentino, na 432 km di e costa patagonico di e pais, segun un comunicado.
“Ora cu e submarino no tin comunicacion cu tera, e mester subi na superficie y p’esey ta importante e deteccion, visual of radar:, segun Enrique Balbi, vocero di Armada. “E buskeda ta sigui”.
Problemanan cu ekipo di comunicacion por ta debi na problemanan electrico.
Balbi a splica cu e submarino, cu a sali di e ciudad di Ushuaia, rumbo pa Mar del Plata, ta conta cu alimento pa varios dia y cu probablemente e lo sigui navega, a pesar di e problemanan pa comunica.
Fuente: https://actualidad.rt.com