Dialuna mainta a cuminsa e reunionnan na oficina di Gobernador pa cual aki Sra. Mervin Wyatt- Ras ta splica mas di e palabracion cu Gobernador.
E reunion cu Gobernador tabata relaciona cu e formacion di un gobierno nobo. Resultado di eleccion ta duna dos partido a keda esunnan mas grandi. Den cantidad di voto, AVP ta esun mas grandi, mientras cu e asientonan MEP y AVP ta e cantidad di 9 y 9, mientras e otro dos partidonan cu dos y un asiento respectivamente. Sr. Gobernador tin un reto su dilanti pa asina traha ariba tur e diferencia entre e partidonan y wak kico tur ta e puntonan comun.
Ainda S.E. Gobernador di varios lider di e partidonan politico pa combersa cun’e e siman aki. E lo mester saca afo kico tur ta nan deseonan. Tin partido cu a expresa cu nan no kier traha cu un otro. Na mesa lo mester reuni y asina averigua si tin puntonan cu toch por yega na otro.
Sra. drs. Mervin Wyatt- Ras a felicita tur e otro partidonan cu a participa na eleccion, cu a inverti asina hopi tempo pa yega na e pueblo. Tur cu a sali vencedor y asina logra nan asientonan pa asina traha pa e pueblo, p’esey pueblo a eligi su representantenan. Awo ta keda na diferente partidonan, sinta cu otro, pone awa den biña y wak kico tin pa yega na otro pa asina forma un gobierno pa Aruba. ‘
Aruba ta un pais cu a crece den e ultimo añanan. Aruba ta un pais cu ta trata su hendenan bon y cu tin hopi desaroyo. E proximo gobierno lo ta un reto, pa sigui cu e desaroyo di nos isla. Manera ya a wordo indica door di Gobernador, e lo sigui reuni cu e otro partidonan, den e otro fase lo tin un formador, pa sina bay na forma un gobierno nobo. Sra. drs. Mervin Wyatt- Ras ta desea hopi exito y forsa pa asina envberdad pronto nos por conta cu’n gobierno pa Aruba.
Parlamento lo keda funciona, y ta di spera cu pa fin di e October por tin un gobierno pa Aruba y despues di e periodo aki e ta bay bira mas intensivo caminda na dado momento, ora cu scoge un gobierno nobo lo mester aproba nan credencial den Parlamento. Dus e presidencia lo mester haci esey, manera e procedura normal mester cana, pa cual Sra. Wyatt- Ras, como presidente di Parlamento lo duna tur su cooperacion pa cu esaki.
Ta conseha tur e lidernan di partido pa keda cu mente habri -pa asina skucha otro y yega na otor. Apesar di diferencianan di opinion, lo mester wak cual ta e miho gobierno pa pais Aruba, pa asina nos pueblo cu a duna su voto y bay urna elecotral duna su voto, pa tene cuenta cu nan. Den politica semper tin diferencia di opinion, pero gobernador lo mester tene cuenta cu nan. Pero dado momento lo mester yega na un gobierno pa Aruba y ta spera cu lo no tuma asina hopi tempo manera den otro paisnan.
Si un gobierno no por tuma un decision y un parlamento no por tuma decisionnan, e lo por ta desastroso pa nos si algo pasa. Ta urgi e politiconan pa asina sea diligente cu e proceso aki pa asina por sigui desaroya nos pais, segun Sra. drs. Mervin Wyatt- Ras, presidente di Parlamento.