ALMATY, Kazachstan – El a participa como dobbel den escenanan di riesgo den e filmacion di ‘Expendables 2’ di Sylvester Stallone y ’47 Ronin’, protagonisa Keanu Reeves, entre otro.
Den un club nocturno di e ciudad Almaty di Kazachstan, un stuntman di escenanan di riesgo di cine, ta fayece despues di realisa un truco den un fiesta di Halloween.
E anochi di 3 di november e actor di Kazachstan, Kasym Zhumaguzhin, hunto cu su amigonan, tabata haciendo un escena unda cu e actor tabata representa un momia horca, pa cual e tabata tin un jacket special bisti diseña pa e tipo di truconan aki.
E cabuya cu ta colga na e garganta di e actor y cu por wordo mira ariba e video, ta parti di e vest y no tabata preta, segun e grupo di stuntman profesionalnan. Ademas, segun indicacion, e mecanismo a wordo getest anteriormente y cu durante e ehecucion di e programa e actor a indica cu tur cos tabata bon.
https://youtu.be/McQ0ehdLvHk
Despues di e 15 minuutnan stipula nan a bahya Zhumaguzhin, cu tabata hopi debil, aunke ainda e tabata na tino. Ora cu ambulance a yega, paramediconan a purba reanim’e, pero el a fayece poco despues. Segun dokternan, el a muri di atake di curason.