FLORENCIA, Italia – Dos studiante Mericano na Italia a bisa cu siman pasa na Florencia, nan a wordo abusa sexualmente door di dos agente di e Carabinieri.
E agentenan lo a duna e muhenan un lift pa cas for di un di e clubnan nocturno caminda cu lo tabata tin un pelea. E dos muhenan, di 19 y 21 aña, a bisa cu e agentenan a podera di nan prome cu nan a yega na nan camber.
Investigacion ta andando
E investigacion di entre otro rastronan di DNA, ainda ta andando, pero segun e minister Italiano di Defensa, tin suficiente base pa e acusacionnan. “Violacion sexual ta keda semper un caso serio, pero completamente ora cu e causantenan ta Carabinieri den uniform,” e minister di Defensa, Roberta Pinotti, a bisa.
E dos muhenan a declara, segun medionan Italiano na investigadornan, cu nan a bebe alcohol y a huma marihuana y nan tabata tin demasiado miedo pa grita. E Carabinieri ta polis paramilitar cu ta cay bao di e ministerio di Defensa.
Fuente: www.rtl.nl