Un Anochi Informativo, organisa pa e studiantenan di Universidad di Aruba den nan di dos aña den e facultad di Social Work and Development, riba dia internacional di derecho humano. Esaki ta e prome biaha cu e studiantenan di Universidad di Aruba lo ta colaborando cu Centro di actividad Stichting Rancho.
Segun tur e studiantenan den segundo aña, “choler” “no ta un bunita palabra ban cambia e palabra aki pa algo mas humano pakico no yama nan Persona cu adiccion? of Adicto ambulante? ”. Lo tin un ‘awareness video clip’ unda studiantenan lo bai trese atencion na e problematica di adiccion. Alabes e anochi aki ta bai tin profecionalnan riba e tema di adiccion na unda por puntranan algun pregunta y tin un charla cu nan. Ariba e anochi aki no solamente lo mustra e creatividad di e studiantenan di Universidad di Aruba pero ta haña un oportunidad pa por advoca pa problemanan social cu no ta conoci pa tur hende y cu pa nan mester di mas atencion.
E anochi informativo aki bo lo por experiencia con un adicto ambulante mes ta pensa y kiko e mes ta pensa kiko por ta un possible solucion pa mehora e situacion riba caya pa nan. E exposicion ta importante, paso e prome paso pa resolve un problema ta reconociendo cu e problema ta exsisti y na secundo lugar door di revelation di profecional nan.
No wak e exposicion aki como un evento ordinario, e meta ta pa trece conciencia na organisacionan y e comunidad di Aruba engeneral ariba e trato y mehoracion pa cu e adicto ambulante alabes e anochi aki nos lo kier recauda fondo. Riba e dia aki donacion ta aceptabel pa e adictonan ambulante. Preferibelmente productonan pa hygiena, pa hende homber como hende muher. Si cada un di nos contribui di un forma of otro pa mehora nos bida social nos lo por bai hasi di Aruba un one happy island di berdad.
Pesey Universidad di Aruba conhunto cu Centro di actividad Stichting Rancho ta invita pueblo di Aruba pa bin presencia e exposicion, Asina ta cu nos ta invita e pueblo engeneral di Aruba pa bin presencia e exposicion cu lo cuminsa for di Diasabra 10 December 2016 pa 4pm te cu 8 Pm na Centro di Actividad Stichting Rancho na koningstraat #38. Entrada lo ta gratis. Pa mas información por tuma contacto cu Michelle Lont na [email protected]