Den cuadro di celebracion di 18 di Maart, studiantenan di IPA a organisa un evento pa muchanan di Pius X school pa cual aki sra Monica camara a splica mas di esaki.
Tema di e evento ta Pius X loves Aruba. Monica Camara hunto cu un otro colega a sinta, brainstorm hunto cu e cabesante kico asina mester haci. Esaki ta un rekisito pa por caba IPA, y esaki ta ultimo parti di e stage. A kies pa haci himno y bandera, pasobra e ta mas great pa hinca cultura den e muchanan, pesey e lema “Pius X loves Aruba”.
E prome parti di dia e muchanan a haya diferente lezing di hendenan di comunidad, di Museum International, di Gregory Goedgedrag, Marinierskazerne. Asina e muchanan ta siña un tiki mas di kico ta forma e cultura Arubiano. Tambe e muchanan lo hunga dos wega, y lo bay tin dos auto clasico pa deleite di e muchanan.
Srta. Camara a splica cu e aña aki, e actividad a wordo combina hunto cu e wega. Pero e muchanan a disfruta di e dia, tanto di e lezing como e actividad. Por ultimo nan kier a gradici tur nan sponsornan, manera Art from Aruba, Setar N.V., Super Food, Post Aruba, Caribbean Cinemas, Seasons & Beyond, Dyon Center y hopi mas cu a yuda forma e proyecto Pius X loves Aruba.