Juffrouw Lopes, di IPA a splica tocante nan presentacion, en conhunto cu Mochila Creativo ta algo creativo. A scoge pa e instancia aki pa motibo cu na Aruba e cultura dia pa dia ta bayendo mas atras y den enseñansa tampoco esaki ta bin afo. P’esey a acerca Mochila Creativo pa asina por siña di cultura di Aruba y tambe con pa organisa un evento, di cual Mochila Creativo hunto cu IPA a organisa un festival di arte y cultura den Caya Grandi.
Meta ta pa educa e muchanan y tambe comunidad di Aruba, y e edad ta varia di 4 pa 12 aña. Pero e meta principal ta pa duna workshop na personanan di comunidad, pa siña di cultura y brinda esaki na nan famia.
Rogenne Dirksz di IPA ta haya cu ta importante pa tur hende sa di nan cultura. E fundacion cu nan a tuma parti di dje, Mochila Creativo por yuda mayornan tocante cultura. Nan tin tayer, presentacion, dus mayornan por bin y por siña algo di cultura y asina por brind’e tambe na e muchanan na cas.
Tin hopi mayornan ta haya cu cultura no ta importante, y p’esey nan ta haya cu Aruba mester siña di nan cultura. P.e. Juffrouw Dirksz a duna ehempel di su buitenlandse stage, caminda cu el a bay New York y eynan, e poblacion mayoria sa di nan cultura. E ta haya cu nan aruba, mester sa di nos mesun cutlura.
E parti mas importante di un cultura ta e 4 dominionan, cual ta arte, baile, canto y musica. Ta tur mester sa di dje, y den nan onderzoek a sali na cla, cu esaki ta algo importante pa e muchanan por siña. Si e persona ta openminded, e mes lo ta mas creativo e ora ey.