Sra. Viviana Curiel, studiante di IPA ta splica cu nan ta traha hunto cu FEPPO yuda nan cu nan proyecto di Taalontwikkelingstoornis, cual na Papiamento kiermen Trastorno den Desaroyo di Idioma.
IPA ta traha hunto cu FEPO, den nan proyecto di Taalontwikkelingstoornis. Locual cu ta wordo haci ta pa expande nan informacion y pa pone esaki den un contexto nan Papiamento, ya cu tur informacion ta na Hulandes. E ta hopi reconoci na Hulanda,aki na Aruba e ta algo hopi nobo. Sra. Curiel a splica cu, conhuntamente cu FEPPO, nan mester a traha hunto pa pone tur e informacion na Papiamento.
Na FEPO, Sra. Curiel a traha hunto cu e Office Manager, cu ta Wim Willems y Chrissis van Ness, cu ta e logopedist na FEPPO, cu a yuda Sra. Curiel hopi cu e informacion necesario pa cu nan proyecto.
Tambe, Cylienne Boekhoudt, ta splica tur kico ta encera Trastorno den Desaroyo di Idioma, kico ta e señanan. A organisa dos encuentro, pa hinca tur cos den otro, busca sponsor. Sra. Boekhoudt a splica cu nan tabata sa e existencia di FEPO, pero e topico Trastorno den Desaroyo di Idioma si nan no tabata sa di dje. Como persona, bo ta crece como persona ya cu bo lo bay siña traha cu diferente persona, deal cu diferente caracter.
Cylienne Boekhoudt a splica cu no ta importante solamente pa conoce ken ta FEPO, pero tambe kico ta TDI (Trastorno den Desaroyo di Idioma). Mester imagina como persona bo ta pensa tur loke bo kier bisa, pero e no ta sali. E no ta wordo procesa door di e celebro. Esaki bo ta nace cun’e, pero no tin cura pa esaki. Por mehor’e tiki tiki, pero e no ta curabel, segun Cylliene Boekhoudt, studiante na IPA a splica.