Raideline Bremo y Marisela Fabus ta studiantenan di IPA y a conta di un proyecto cu nan lo bay tin. Bremo y Fabus tin un proyecto social cu nan tin cu cumpli cun’e y a toca porta na Fundacion pa hende Muhe den Dificultad. Segun Raideline Bremo, kende, mescos cu Marisela Fabus, ta studiantenan di ultimo aña di e scol, a scoge pa e fundacion aki pa e motibo cu nan mentor a menciona tocante e fundacion y a bisa cu e lo ta algo great pa yuda e clientenan di e fundacion. Motibo ta cu e fundacion falta di paña interior pa e clientenan y a bin cu e idea pa lanta un campaña pa asina aki aporta na e fundacion cu locual nan tin mester awor aki.
Marisela Fabus, a conta cu riba dia 25 di November, pa dia 10 di December, mundialmente ta celebra e Orange World, y conhuntamente cu e fundacion a scoge dia 25 di November pa 10 di December, a bin cu Orange: The underwear pa yuda e fundacion den su necesidad cu e tin, cual ta paña interior pa su clientenan.
Den e dos simannan aki lo bay tin diferente tienda cu lo participa y lo bay tin un campaña cu ta buy one, donate one. Es decir ta bay na e tienda participante, caminda cu ta cumpra un paña interior y ta haya e segundo paña interior pa un prijs special. Aki ta haya chens e ora pa deposit’e den un caha den e tiendanan.
Tiendanan cu ta participando den e campaña aki, a haya esaki sumamente bon. Tin Alancar II. Tin supershopping, Geekay, La Aruba na Playa, Classic, Big Bazaar I y Big Bazaar II Superbargain Center. Den e tiendanan aki, lo bay tin diferente caha pa pone pañanan interior, pero lo bay tin diferente otro caminda cu lo bay tin cahanan di donacion, caminda cu si bo no kier aporta cu un paña interior, por aporta cu kico cu bo por, cual sigur lo yuda.
Tambe den e dos simannan aki tur diabierna, lo bay tin ganadornan. Con pa participa, ta pa like e pagina di Facebook di Fundacion pa hende muhe den dificultad. E Facebook ta FHMDD fundacion y ta saca un potret of bo ta bisti na Oranje, of bo tin algo oranje, pasobra esey te cual ta e Orange, esaki ta pa stop contra violencia contra hende muhe y mucha muhe. E di tres paso ta pa load e potret riba Facebook page y #orangetheunderwear.
Raideline Bremo a conta cu como studiante na IPA tin cada aña tin puntonan cu tin cu cera pa yega na ultimo aña y mirando cu falta algun punto, ta algo cu por grab di biaha. Bremo ta haciendo dos cos pa e fundacion. E ta na e scol cu e ta stage awor aki. Tin un box poni pafo pa e mayornan cu ta dispuesto pa donate algo. Kico cu nan trece cu ta entreg’e na e fundacion tambe. Ta contento cu por a yuda e fundacion cu dos diferente cos. E fundacion ta contento tambe cu esey y ta spera cu e lo bay ta un exito.