Studiante di IPA, Aymara Franken y hunto cu su colega Vanessa de Cuba, a bishita Puerto Rico, unda cu nan a pasa un pasantia di 5 siman y a bay cu e meta pa investiga e cultura di Puerto Rico. Con nan ta haci pa conserva esaki eynan, siendo cu e ta inmaterial.
Na Puerto Rico ta incorpora hopi cultura inmaterial como tambe material den nan educacion. For di chikito ta siña e muchanan poema di Puerto Rico y ta siña e muchanan aprecia esaki, pa nan mes inspira y skirbi nan propio poemanan, por ehempel di nan pais.
Ta importante pa por conserva nos cultura, pasobra hopi mucha awendia no conoce nos cultura manera mester ta. Hopi di nos mayornan mes no sa e cultura concreto kico e ta y esaki ta importante pa nos conserva.