Christine Weyman, hunto cu Alexandra Fingal y Guisette Trimon, ta studiantenan di IPA, cu tabata tin e oportunidad pa bay Hulanda na Hoge School Rotterdam como parti di nan pasantia. Tambe nan tabata tin e oportunidad di bay Belgica, na Antwerpen, pa nan pasantia. Nan perspectiva mundial tabata consisti hopi di tecnologia pero tambe e parti di naturalesa, con e por hunga un rol grandi den e desaroyo di cada mucha. Pero tambe con innovacion di tecnologia ta hungando un rol importante, no solamente na mundo, pero den e bida di e muchanan, y con nan como docente por concientisa e muchanan. Con pa bay cu e tecnologianan aki. Weyman a sigui splica cu na Aruba ta bezig ta implimenta tecnologia den enseñansa, pero no ta bezig ta concientisa e muchanan, con pa bay cu esakinan. Ki consecuencia nan tin tras di esaki, pa bida largo, pero tambe kico tur ta e posibilidadnan cu por tin cu e tecnologianan aki. Banda di esaki tin e parti cu ta bayendo mucho riba e parti di tecnologia, lubidando e parti di naturalesa. Ki importancia e tin den bida di cada mucha, pa su desaroyo, no solamente fisico, pero emocionalmente y socialmente, segun Weyman.