Esaki ta di cuater aña cu tin studiantenan di Hulanda ta bin yuda Stichting Monumentenfonds, pa desaroyo di plan pa Playa, pero tambe San Nicolas, segun directora di e fundacion, Anne Witsenburg.
Mayoria di e plannan ta wordo uza como inspiracion, pero no ta wordo ehecuta di biaha. Si wak e plannan di dos aña pasa, na San Nicolas y si wak San Nicolas awo, no ta di studiantenan so, pero nan ta contribui pa duna idea y inspiracion pa otro proyecto. Awo na San Nicolas ta bezig. A keda cla cu Nicolaas Store y ta bezig awor aki cu e plannan pa Uncle Louis Store. E plan di aña pasa tabata e Downtown Playa. Tambe esaki tabata riba informa hende kico ta kico, na unda bo por haya, ki monumento, kico a pasa den pasado. En fin, pa informa nos localnan como tambe nos bishitantenan. Si mira awe, tin borchi tur caminda y hopi di e plannan a inspira hopi hende.
Parti di e plan di aña pasa, tabata inspiracion pa e aña aki. E biaha aki tin un grupo mucho mas chikito compara cu aña pasa y nan ta scoge e edificio di Cas Veneranda. Pa Stichting Monumentenfonds, ta un edificio hopi importante. Esaki ta e mansion mas grandi cu tin na Aruba. Ta worry hopi cu e famia, doñonan di e cas y ta purba di bin cu un solucion pa restaur’e. Pesey ta duna opdracht pa e studiantenan studia e solucion temporario y tambe e solucion final.
Witsenburg a agrega cu ta hopi dificil pa haya fondo, pero tin un tiki fondo pa e studiantenan. Witsenburg ta gradici hopi hende y instancia cu ta yuda. Galloway a duna lunch pa e studiantenan cada dia. Doña Clara Appartment pa haya un bon prijs pa e studiantenan keda banda di e edificio cu nan ta studia. Algemene Rekenkamer, caminda cu nan a duna espacio pa nan traha y hopi sponsor mas, cu a yuda hopi. Pa e restauracion tin mester di hopi mas fondo.