Diadomingo, 13 di December lo tin un Food Drive organisa pa studiantenan di EPI, cumisando for di 9’or di mainta pa 1’or di atardi na Colegio EPI mes, gate number 2.
Ta invita comunidad pa trece un bleki di comestibel of kico cu ta sinti di trece pa yuda e fundacion Ban Uni man pa Cria nos Muchanan. E meta ta pa colecta mas comestibel posibel pa entrega esaki na e fundacion, esaki ta parti di un projecto cu studiantenan ta haciendo den e ultimo aña na EPI unda a haya e tarea pa organisa un actividad y haci esaki pa un bon causa.
A escohe e fundacion aki mirando cu hopi otronan ya caba ta hayando sosten y e fundacion aki no ta muchu conoci den comunidad pa asina duna nan un empuhe tambe den parti cuminda pa muchanan cu ta falta di cuminda na scol. E fundacion su meta principal ta pa zorg pa muchanan den necesidad haya algo di come, via un desayuno tur mainta cu ta wordo parti na 54 scol actualmente, un total di casi 650 mucha. Tin un grupo di mas o menos 80 pa screen pa wak si ta cay bao e meta di e fundacion pa yuda nan tambe.