Studiantenan di EPI e aña aki a bin cu’n proyecto y a duna e honor na e fundacion Wilhelmina Kankerfonds. Sra. Lily Prins ta amplia mas ariba esaki.
E studiantenan di EPI ta conoci pa traha duro pa nan proyectonan y nan a trece dilanti e motibo pa cual a scoge Wilhelminafonds. E fundacion na e momentonan aki, ta pasando den momentonan dificil financieramente. Nan ta mannan yen di trabao, y esaki ta trece gasto cun’e.
Sra. Prins ta contento cu e muchanan ya ta cuminsa ta pensa ariba un fundacion cu ta traha den e comunidad aki, pa un malesa cu yama Cancer. E malesa di Cancer ta bati na porta di practicamente tur hende y hunto cu esey e ta trece hopi gasto. Naturalmente, tin e parti unda cu gobierno ta percura pe, pero Wilhelminafonds tin un gasto tambe hopi grandi y nan ta contento di e curason bunita di e hobennan aki, cu a bin y a trece proyecto, cu nan ta spera cu e comunidad Arubano, manera semper lo sa di apoyanan. Dia 9 di December nan tin nan evenemento na EPI, caminda cu ta spera e comunidad pa pasa un rato.
Wilhelmina Kankerfonds ta traha estrechamente cu AZV. Na momento cu un persona yega na WKF nan ta yama reconfirma cu e pashent ta conoci na AZV y e ora ey e ta haya ayudo tambe. Aña pa aña e casonan di cancer bou di hendenan hoben ta birando alarmante. Un hoben ora cu e wordo detecta cu cancer, Kankerfonds no sa.
Un persona cu ta wordo detecta cu cancer, ora cu dokter dun’e e noticia ey, KWF no sa. Si e persona ey, yega na e porta di Wilhelmina fonds, pa pidi yudansa, e ora ta haya sa di dje. Loke ta pasa cu tin hopi hoben cu ta den exterior y cu Kankerfonds no sa cu nan ta malo. Ora cu nan mester di un pasashi, cu nan Hulanda nan ta haya un hospital di ayanan, manera Erasmus Medisch Centrum, e ta yega y ta manda un email pa Kankerfonds, bisando cu tin un hoben cu ta malo, si e por haya ayudo. E ora mester sondea tur esaki, pero ta duna yudansa.
Den casonan di pecho, Kankerfonds tambe ta yuda. Ta sondea cuanto casonan tin, ora e pashent bin busca nan protesis na oficina di Kankerfonds. E edadnan ta varia, di personanan hopi jong y di edad halto. E cifranan ta sigui subi y tin un fundacion manera BOB cu ta traha ariba prevencion. Y nan ta manda yama e señoranan, y esaki ta un yamada tambe cu Kankerfonds kier haci na cada hende muhe, di entre 45 pa 75 aña pa bay haci nan chekeo, haci e mammogram. E ta recomendabel pa haci e testnan aki, segun Sra. Lily Prins, di Wilhelmina Kankerfonds.
Mas aleu, Sra. Prins a bisa cu pa 2018, nan ta papiando cu un specialista y nan lo bin cu charlanan, di parti di specialista lo haya sa cual ta e cancer cu ta eherce hopi mas. Cancer di cuero ta hopi alarmante, mirando e solo cu tin na Aruba. Ta haci hopi enfasis ariba mayornan pa cuida e chikitonan, cuida e muchanan for di un edad hoben. Pasobra un grandi caba, e ta consciente kico ta kico. Pero un chikito, ta abo tin cu gui’e.