Studiantenan di Colegio Arubano awe a sali pafo pa expresa nan mal contento. Esaki ta relaciona cu reglanan cu nan ta considera di ta extremo. Reglanan cu a bin ta wordo adapta cada anja.
Kian Herrera, a papia den nomber di su compañeronan di scol y a bisa cu nan kier pone bon cla cu no tin nada contra regla. Y ta consciente cu tur caminda mester tin regla. No ta pidi pa kita regla. A constata cu for di tres aña pasa a cuminsa cu cambio di reglanan den e parti di vestimenta, cual nan ta considera reglanan sin base.
Nan ta contra e forma cu ta atende cu hoben studiantenan na momento cu yega scol y haya cu nan forma di bisti no ta adecua. Tin docente ta papia di un forma hopi fresco pa cual a entrega un carta na mando di scol. Un carta cu ta firma pa casi 900 alumno.
Jeansnan cu ta na moda no ta wordo acepta, apesar cu e jeansnan por ehempel, no tin buraco. Ta tres aña caba cu ta cambia cada biaha e reglanan.