Un grupo di studiante di Universidad di Hulanda for di e provincia Utrecht a bishita Aruba pa 6 siman cu e meta pa hunto cu studiantenan di Universidad di Aruba forma un team di 10 grupo di studiante pa trese 10 diferente topico di investigacion social. Ta trata aki di studiantenan di Hulanda cu ta haciendo e opleiding di Bestuur en Organisatie Wetenschappen y e studiantenan di Aruba cu ta studiando ariba e tereno di Organization, Governance & Management (OGM). Durante e periodo aki nan a bishita fundacion nan cu ta traha.
Loke cu a cay na atencion di e studiantenan di Hulanda ta cu apesar cu Aruba ta un isla chikito tin hopi oportunidad. Segun Lars, e studiante y coordinador di e simposio ta remarca cu e poblacion chikito di Aruba ta permiti pa tin hopi contacto personal y bon comunicacion cu ta haci mas facil e caminda pa haci investigacion nan social.