Pa loke ta e situacion na EPB of SPO, pa loke ta inscripcion, unda cu muchanan lo a haal nan toets pa un di e scolnan aki. Minister di Enseñansa a splica cu enseñansa ta den un aña di transicion, unda cu tin mas o menos 30 mucha, cu no tin e nivel cu ta exigi pa drenta EPB. Por tanto e ora ey, ta habri e posibilidad pa e aña escolar nobo, nan por inscribi na SPO Brazil fo SPO Sta. Cruz.
Ta importante pa mayornan tin e papel di censo di 5 florin, unda nan tin nan adres, ya cu a base di adres lo wak na cua di e dos localidad nan aki, nan yiu lo mester inscribi. Esaki, e mandatario a sigui bisa, lo tuma luga dia 12 di augustus, na e scolnan concerni, algun dia prome cu scol cuminsa. Pa loke ta e administratie di e scolnan aki, lo ta na su luga y mayornan e ora lo por inscribi nan yiu. E claridad aworaki t’ey pa e mayornan, cu a pasa den un rato di insiguridad, door di e cambionan cu ta implementando, pero por ta sigur cu nan yiu ta haya luga sea na SPO Santa Cruz of Brazil.
Tin un grupo di alumnonan cu a haci e toets di EPB, cual a demostra cu nan no a haal e nivel di EPB, y nan a wordo notifica cu nan no a haal e nivel di mas abou di EPB. Por lo tanto e ora nan no por inscribi na EPB. E grupo ey, di mas o menos 30 alumno, por inscribi awo na SPO. Sea ta SPO Santa Cruz of SPO Brazil, dependiendo di nan adres. Na final di e trimester ta dicidi e ora si e alumno ta keda na SPO of e por subi pa EPB, segun e mandatario encarga cu Enseñansa.