Neelam Harilall hunto cu su coleganan di scol IPA, a bay Baltimore, unda cu nan a bay keda na un universidad na unda cu a bay haci un investigacion riba Herencia Tangibel y a bay diferente scol basico, unda cu eynan por a mira diferente mucha di diferente luga, tambe diferente docente den un klas. A haya docente cu ta yuda cu idioma vooral pa muchanan cu ta papia Spaño. E studiantenan a haya esaki interesante cu nan tin mas cu un docente den un klas, unda cu e docente mes por a sinta cu e otro muchanan y guia nan na e materia cu nan tin mester.
Tambe a haya muchanan cu tin un minilaptop cu nan ta haci tur nan cosnan eyriba. Nan no tin mester di un buki. Tur cos ta digital. Si nan mester lesa y nan no por lesa, e laptop mes ta bisa nan con pa lesa, con pa pronuncia e palabra. Harilall a sigui splica cu nos muchanan aki ta hopi sabi y sa con pa traha cu laptop, telefon. Nan sa con pa bay riba tur website caba y ta haya tambe cu e muchanan aki lo por uza un laptop pa nan por haci nan investigacionnan y siña cosnan mas importante, enbes di uza buki.