TEXAS, Merca- E Universidad di Texas a duna ordo dialuna anochi pa cera su instalacionnan ariba campus di e ciudad di Lubbock. Esaki despues cu un agente policial a wordo tira mata.
E vocero di Universidad, Chris Cook a bisa cu polis di campus tabata revisando e estado di un studiante y cu na momento di drenta den e camber nan a haya evidencia di droga y accesorionan pa e uzo di droga. Posteriormente, e agentenan a hiba e sospechoso pa e stacion di polis pa un interogatorio di rutina.
Na momento cu ya caba e tabata na warda di polis, e sospechoso a saca un arma y a mata un polis cu’n tiro den cabes, según Cook. E sospechoso a huy for di e luga.
Medionan local a identifica e tirado como Hollis Daniels, di 19 aña, studiante di Texas Tech.
Autoridadnan di e Universidad a anuncia a traves di rednan social cu polisnan a logra detene e supuesto tirado y asina tambe e instalacionnan di na Lubbock a wordo habri di nobo.
Fuente: http://noticieros.televisa.com