CRIMEA – E autor di e atake riba e scol tecnico Ruso di Kerch, tabata un studiante di e centro educativo di 22 aña cu, despues di a comete e crimen, a comete suicidio. Esaki a wordo anuncia door di e hefe di e Republica di Crimea (Rusia), Serguéi Aksiónov.
“E supuesto asesino a tuma su mesun bida door di tira su mes mata. E tabata un studiante di cuater aña den e centro educativo aki”, Aksionov a bisa.
Den declaracionnan, e prome minister di e Republica di Crimea a bsia cu e motibonan di pa cual e agresor a comete e acto aki, no ta conoci. “E curpa di e asesino a wordo haya den e bibliotheek, na e di prome piso”, Aksionov a declara.
Segun datonan di e Comitee Nacional Antiterorista di Rusia, un artefacto explosivo a rementa cu a laga 18 persona morto y 50 otro herida. Aunke inicialmente autoridadnan a afirma di cu tabata trata di un “atentado terorista”, mas laat e Comitee a yam’e un “masacre”.