OSLO, Noruega- Un studiante a menasa di hinca empleadonan di un scol na Oslo cu’n cuchiu. Esaki a sosode diamars mainta den un scol na Oslo.
Segun medionan local, e atacante a logra herida cuater persona cu’n forki, y nan a wordo traslada cu urgencia pa hospital pa ricibi atencion medico pa heridanan leve. Ademas, nan a ricibi varios mordi di e studiante durante e forcejeo pa deten’e.
Polis di e capital Noruego a informa cu nan a logra controla e atacante y cu e caso ta bou di investigacion.
Rond di 8 or di mainta, autoridadnan a wordo poni na altura di un situacion di menasa na e scol Brynseng, oost di e ciudad, y di biaha nan a acudi na e sitio. Te na e momentonan aki no ta conoci e motibo di e menor pa comete e agresion.
E directora di e centro educativo, Maria Tindberg, a indica cu actualmente e situacion ta trankil y cu tur cos ta bou di control.