CALI, Colombia – Riba e mainta di diahuebs, un dokter residente di e Hospital Universitario del Valle (HUV) na Cali, a perde su bida, despues cu un studiante di e di cuatro semester a cay riba dje, kende aparentemente, a tira su mes den forma intencional for di un di seis piso di e institucion.
E victima a wordo identifica como Isabel Muñoz, un empleado di e Hospital kende tabata na warda ora cu e hechonan a sosode. Di su banda, e hoben – Identifica como Maria Isabel Gonzalez, kende ta studiando den di cuater semester di enfermeria – lo a presenta cu politraumatismonan severo, aunke su estado di salud ta stabil.
Den dialogo cu e corant El Pais di Cali, director di e Hospital, Juan Carlos Corrales, a cataloga e situacion como ‘tragico”, y a indica cu e hechonan a presenta den zona di e cafeteria di e institucion.
“Nos ta bibando un drama den HUV, unda cu pa 9’or di mainta, e studiante a cay riba e medico residente, kende a sufri un trauma craneoencefalico cu exposicion encefalico y apesar di tur medida di reanimacion, a fayece,” Corrales a splica.
Autoridadnan ta purba di establece si ta trata di un caida accidental of si, por contrario, lo tabata tin un intento di suicidio.
Fuente: www.elespectador.com