Strea di K-Pop meti den scandal di prostitucion

SEOUL, Corea del Sur- E scandal a yega tambe na Jung Joon-Young, otro cantante cu lo wordo investiga pa difundi imagennan intimo di muhenan, obteni pa medio di camara scondi.

Seungri lo por bay prizon den caso di wordo haya culpabel.

Seungri, un strea di K-pop na nivel mundial danki na e grupo BIGBANG, a nenga di ta meti den e delito relaciona cu prostitucion cu cual e ta wordo relaciona, pero un chat cu a wordo presenta como evidencia contral dje a wordo confirma door di autoridadnan.

Seungri, kende su nomber mes ta Lee Seung-Hyun, a wordo señala pa un investigacion pa a ofrece servicionan di prostituta, como soborno, na potencial inversionistanan di su club ARENA, na Seoul, y pa clientenan di su compania Yuri Holdings.

Mei mei di e acusacionnan e hoben di 28 aña a dicidi di anuncia su retiro di e industria musical, “mi kier a sinceramente gradici tur mi fanaticonan tanto dentro como pafo di Corea cu a mustra mi nan amor den e ultimo diez añanan. Pa e bon y honor di Big Bang y YG, mi carera ta termina aki”.

Un periodista a presenta un groupchat di Kakaotalk (aplicación digital di manda mensahe) como evidencia, unda e cantante tabata comparti material intimo di muhenan y ta haya prostitutanan pa su clientenan.

Na su momento, Seungri a bsia cu e periodista lo a fabrica e prueba, pero segun e portal Allkpop, polis ya caba a confirma e veracidad di e mensahenan.

Despues di un analisis di e combersacionnan di Kakao Talk, a keda confrima cu e chat di verdad a existi y e combersacion no a wordo fabrica of manipula.

E chat di Kakaotalk a wordo obteni ora cu otro celebridad, cu tambe ta forma parti di e chat, a manda su telefon drecha.

Segun informacion publica pa medionan Coreano, dialuna a publica cu Seungri tabata miembro di otro groupchat unda cu tabata tin varios celebridad manera e cantante Jung Joon-Young, y otro personana cu tabata share video y potretnan cu camara scondi.

Al parecer SBSFunE, Mr. KIm (otro integrante di e chat) na januari a share videonan di un homber y un muhe teniendo relacionnan sexual. E muhe tabata parce di tabata bou di efectonan di algun sustancia y no tabata na altura cu e tabata wordo graba.

E homber den e video tambe tabata forma parti di e chat, pero parce cu e si tabata sa cu e tabata wordo filma.

Prostitucion na Corea del Sur ta un delito y Seungri lo por pasa te hasta tres aña den prizon den caso di wordo haya culpabel. Ademas, e delito di graba cu’n camara scondi tin un castigo di te cu 5 aña di prizon y e cantante lo wordo investiga pa esaki tambe.

Aunke Seungri a menciona den su mensahe su decision di retira su mes di musica y cu e a haci esaki pa e bon di YG Entertainment, e agencia cu ta represent’e, e compania e emiti un comunicado pa sigura cu e hoben a tuma e determinacion sin consulta cu nan.

“Nos a confrima lastimamente cu Seungri a lansa un mensahe na e publico tocante su retiro. E tabata algo cu e mes a publica sin consulta prome cu YG Entertainment. Actualmente nos no tin comentario adicional cu nos kier agrega na esaki. Ainda nos mester reuni pa dicidi di su contrato lo wordo termina of no”.

Jung Joon-Young tambe lo wordo investiga pa a participa den e difusion di e imagennan tuma pa medio di un camara scondi, pues aparentemente el a manda video y potretnan di muehnan cu no tabata sa cu nan tabata wordo graba.

Comments

comments