Diaranson atardi un stopcontact den edificio di Inmigracion Aruba a cuminsa saca huma debi na posibel kortsluiting, e personalnan a sali di biaha y bati alarma na centro di alarma. Un truck di brandweer a keda dirigi di biaha pa e sitio y bomberonan a drenta accion y bay paden pa wak e situacion. A pone personal di elmar na altura cu tambe a yega na e sitio y mira kico por a pasa. Tur cos a mustra di ta bou control y e personalnan di inmigracion a bay bek paden.