Dia 6 di December Stichting Rancho ta organisa un anochi di dialogo riba e tema di “Orange Week” Stop Violencia Domestico hunto cu Fundacion Hende Muhe den Dificultad. E anochi ta cuminsa pa 7or.
Ta asina cu Stichting Rancho a acerca FHMD pa asina contribui cu e tema Stop Violencia. Mirando cu esaki tambe ta poni riba e calender di Unesco fecha 25 November. Caminda cu tur organisacion rond mundo cu ta miembro di Unesco ta pone extra luz riba e dia aki.
Pa e dia aki 6 December, Stichting Rancho tin un programa bon hinca den otro. Caminda lo bay tin un nochi di Dialogo riba e tema Kibra e Ciclo. Nos lo bay tin diferente persona cu ta bay hiba palabra y despues publico lo trece nan punto dilanti. Anto hunto nos ta purba yega na un conclusion pa Kibra e Ciclo.
Sr. Clifford Rosa president di Stichting Rancho ta habri e anochi y lo trece diferente punto di atencion y e pensamento di Unesco, sigui pa coordinadora di Fundacion Hende Muher den Dificultad. Anochi ta sigui cu sra.Cheryl Rosa-Fingal cu ta bay elabora rond di e posibel solucion pa Kibra e Ciclo. Despues ta sigui dos presentacion, un ta di Ginelly Quandt cu ta bay ilustra con e a Kibra e Ciclo pa medio di su Arte. Anto e otro persona ta Vanessa Moise cu ta bay elabora tocante e Cultura di Haiti y e pensamento di Kibra e Ciclo den Violencia Domestico.
E anochi aki ta mustra di lo ta un anochi di caliber, mirando e topico y tambe personanan cu ta bay hiba palabra. Tambe sigur e parti di Unesco su pensamento tras di tema y topico aki. Na mesun momento aki nos kier gradici e Studiantenan di “Social Work and Development” pa tey presente pa e dialogo.
Nos ta ward abo dia 6 December pa 7or. Den e Centro di Actividad Rancho den Koningstraat 38. Luga nan di para auto ta riba corto distancia y cu vigilancia.