Diamars atardi na un cas na Pos Chikito den Betonicastraat a surgi un caso di explosion unda e stoof a explota dilanti un señora di edad, brandweer, polis y ambulance a keda dirigi di biaha. E habitantenan rond cu tambe a scucha e desordo aki a sali pafo pa wak kico a pasa.
Polis tabata prome na e sitio pa mira e situacion y a constata cu e señora di edad tin corta na curpa y ta spanta di e sucedido. Brandweer a presenta di biaha unda bomberonan a drenta paden di biaha pa haci un inspeccion paden. Ambulance tambe a presenta y aki paramediconan di biaha a brinda asistencia medico na e señora di edad y a bay cune hospital.