Sandra Brown ta presidente di Stichting Reclassering & Jeugdbescherming Aruba y a comenta cu siman den prensa a anuncia cu ta by cuminsa celebra siman di Reclassering. E siman aki a cuminsa celebra e siman ya menciona.
E ta sigui splica cu nan ta contento cu por lansa nan website nobo. Un website caminda cu tur hende por subi y sigui tur e cosnan cu Reclassering lo bay bin cun’e den futuro. Nan por mira tur e trabaonan cu reclassering ta haciendo. Tambe ta bay tin un pagina di Facebook, cu mescos lo por sigui tur e innovacionnan cu Reclassering ta bezig cun’e.
Reclassering kier a pone tiki enfoke riba double Up 55, caminda cu ta haci un peticion na pueblo pa yuda recauda fondo, no solamente durante e siman aki, pero tambe durante e temporada te cu December 2016. E intencion ta pa recauda 100 mil florin pa yuda cu e proyectonan cu ta bay tin andando, segun Brown.
Lo bay tin supervision electronico, lo bay tin Sex Offenders Program, pa por concientisa e hoben y adultonan riba nan comportacion. Ta bay tin tambe e programa ambulante pa hobennan cu ta uza droga pa pone enfoke riba e peligernan di esey y e consecuencianan di esaki, segun Brown.
E Hup met de volgende 55, no solamente comerciantenan lo haya un carta cu ta pidi pa donacion di minimo 500 florin, pero ta bay parti cartanan tambe na pueblo en general cu ta haya cu tambe tin cu involucra den e yudansa pa combati criminalidad aki na Aruba, Brown a enfatisa.
E cartanan lo wordo reparti na e hogarnan y trankil por lesa kico e intencion ta di Reclassering y cu nan lo por duna un sosten, aunke cu ta tiki cen, lo por yuda y aporta y sinti cu pueblo tambe ta yudando pa combati criminalidad na Aruba.