Sra. Genely Quandt, voluntario di Stichting Rancho ta splica riba e evento di e proyecto Tempo pa Click.
E meta ta trece e habitantenan di bario pa participa, pa cambia e perspectiva di Rancho, uzando potret, fotografia como inspiracion. Tambe e meta semper ta pa trece cualke hende cu kier participa y siña di fotografia, aworaki nan ta den un centro. Pero e ultimo dos añanan a haci e proyecto aki den un localidad basta chikito. E aña aki nan ta den un centro basta grandi.
Stichting Rancho tin tres grupo cu ta participa. E prome grupo ta muchanan entre 9 cu 13 aña. Tin e di dos grupo cu ta di 14 pa 18 aña y tin e grupo di 18 aña bay ariba. E grupo grandi ta full yen, no tin mas capacidad. Pero si nan ta buscando muchanan di grupo uno y dos, pa participa. Esunnan interesa por pasa cerca Stichting Rancho, of manda bo info na [email protected]
Tur grupo, no ta importa di ki edad, por participa. E ta sumamente importante pa conoce e bario y su historia y cultura. Potretnan cu a saca biaha pasa, tur a wordo expone varios biaha caba. Aworaki e potretnan aki ta warda, pero lo sigui haci tur exposicion den futuro. Un paar di siman pasa, tabata tin e expo di Tempo pa Click 2016. E meta ta pa bende e potretnan cu a wordo saca.
Tambe Sr Arthur Kelly ta tuma e reto di coordina e evento e aña aki y yudando e muchanan, yudando hendenan di bario pa asina aki tambe cambia e imagen cu tin den bario, encuanto fotografia. Pa Sr. Kelly esaki ta un proyecto sumamente interesante. Ta bay ta 6 siman yena bastante interesante, yena di arte, pasobra ta bay tin 2 siman pa muchanan di 8 pa 14, despues 14 pa 18 y 18 aña bay ariba. Cada curso (workshop) ta dura 2 siman. Ta bay tin cursus cu lo wordo duna door di Desmond Ridderstap. Tambe lo bay tin Beach Lama, cu lo duna expressie. Ta bay tin Romalidna Maldonado, cu lo bay duna arte, obra di man y pa culmina lo bay tin Luis Villegas cu lo duna poesia. Cu esaki ta bay purba combina fotografia cu arte, pa asina laga cada hende expresa pa nan mes, e fotografianan cu nan a saca. Lo haci un bishita na San Nicolas, unda lo cana den cayanan di San Nicolas, lo bishita e Museo Di Industria na San Nicolas. Sr. Arthur Kelly ta gradici San Nicolas pa e cooperacion, pa por bishita e museo. E muchanan y e grandinan lo
Pa participa na e curso aki, ta pidi un cooperacion di 35 florin pa e dos simannan, pa cual bo ta participa y na final un di e obranan lo ta den e exposicion cu lo tuma luga dia 26 di Augustus, na Rancho. Esaki lo wordo anuncia mas despues. E ta priminti di bira algo sumamente bunita, caminda cu lo tin muchanan rond di Aruba y tambe muchanan di Rancho lo expresa nan talento cu fotografia.
Interesadonan por contact cu Stichting Rancho, via nan pagina di Facebook, door di bay riba Tempo pa Click of tambe Stichting Rancho y eyriba e numbernan di telefon y email adress ta aparece eyriba. Ainda tin algun luga mas habri den e muchanan chikito y pa loke ta e edad di 14 pa 18 aña.