Sr. Clifford Rosa, President di Fundacion Rancho a ricibi un yamada for di e Antropologo y Historiado Dr.Weildler Guerra Curvelo, caminda cu personalmente Dr. Weildler Guerra Curvelo a pone Sr. Clifford Rosa na altura di su nombramento como e proximo Gobernador di La Guajira. Dr. Guerra Curvelo a wordo nombra dor di e Presidente di Colombia Sr.Juan Manuel Santos. Dia 1 di maart 2017 lo oficialisa e nombramento di Dr. Weildler Guerra Curvelo como Gobernador di La Guajira.
Na prome luga Dr.Weildler Guerra Curvelo kier pone Minister President Sr. Mike Eman na altura di e noticia aki y otro miembronan diplomatico. Tambe e kier informa tur descendiente Guajiro na Aruba , tur persona y profesionalnan cu el a yega di traha cu nan directo of indirecto manera Museo Arkeologico Nacional Aruba, Romar Trading y sigur Fundacion Rancho.
Dr.Weildler Guerra Curvelo a informa Sr. Clifford Rosa y Fundacion Rancho cu e ta masha contento cu Fundacion Rancho a logra firma un MOU cu Gobernador di La Guajira, mirando cu e ta completamente na altura di e contenido di e MOU. Asina Dr. Weildler a cuminsa traha riba su agenda como e proximo Gobernador di La Guajira. Ta asina cu Aruba tambe ta poni halto ariba su agenda pa mehora e parti diplomatico y sigui cu mas investigacion, intercambio Cultural y Comercial den diferente area y proyectonan pa mehoracion di La Guajira.
Sr.Clifford Rosa, president di Fundacion Rancho ta desea Dr. Weildler Guerra Curvelo den nomber di tur conoci y pueblo Guajiro na Aruba tur clase di exito den e periodo cu lo asumi e responsabilidad como e Gobernador nobo di La Guajira, apunta pa President di Colombia Sr.Juan Manuel Santos.