Sr. Clifford Rosa, di Stichting Rancho durante un rueda di prensa, a splica cu e fundacion lo bin cu un otro actividad y tambe un otro exposicion cu ta bay wordo habri. Esaki lo ta diasabra 25 di Maart. E exposicion aki, “Tempo pa Click” a cuminsa na 2015 caminda hoben y adulto por participa. Akinan tin e oportunidad di saca potret, pero den diferente aspecto. Esaki tin di haber cu e bario di Rancho mes. Dus eigenlijk ta e bario di Rancho mes.
E aña aki, Fundacion Rancho ta sigui cun’e un biaha mas. E ta un proyecto cu sigur lo sigui crece na Centro di Actividad Rancho. E fundacion tambe mester di subsidio y tambe e yudansa di comerciantenanan, pa asina ora di bay haci un peticion pa sponsor pa asina e proyecto por bira un tiki mas grandi e aña aki.
Stichting Rancho ta buscando tambe mas boluntario, caminda lo traha cu mucha y hende grandi. Pero e ta un trabao caminda e persona ta bay siña con e organisacion ta drei. E proyecto “Tempo ta Click” tambe a wordo carga pa Universidad di Aruba.
Pueblo di Aruba ta keda cordialmente invita diasabra 25 di Maart, caminda lo habri e exposicion aki di “Tempo pa Click”.
E hoben of personanan cu a participa den e proyecto no ta fotografo profesional, pero ta haya asistencia di Sr. Desmond Ridderstap ta facilitado di e proyecto pa cu sacamento di potret. Algun di e participantenan ta prome biaha cu nan a tene un camera den nan man pa saca potret. Cada potret tin informacion di cada participante cu a saca potret y e tin su storia cun’e y e aña aki ta premira cu e storianan ta bira mas largo, ya cu ta e plan pa traha un buki di e potretnan aki.
E idea pa pone e potretnan na benta, for di 2015 caba, cu e peticion a bin dilanti y e punto ta cu asina cu e potretnan aki wordo bendi, e persona cu a saca e potret lo haya un fondo. Esaki lo stimula e persona tambe pa por sigui den e proyecto, pero tambe un carera cu tin di haber cu sacamento di potret. E potretnan aki ta puramente di Rancho y vecindario.