Diasabra mainta trempan por a nota cu biento a cambia di direccion, esaki ta sosode tur aña durante temporada di horcan varios biaha pa siman. Pero locual e pueblonan di Simeon Antonio, Mahuma, Parkietenbos no ta soporta mas ta cu simplente no ta tene cuenta cu e habitantenan y ta sigui kima y manda huma den e barionan afectando e habitantenan. Tin suficiente hende cu astma y cancer, grandi y chikito cu ta sufri den e barionan. Ya cu ainda na Aruba tin e practicanan primitivo di kima fuel sushi y desperdicio, ta pidi pa ora cu no tin biento of cu biento cambia di direccion pa para e kimamento pa proteha e salud di poblacion di e barionan. Pafo y paden di nan cas awor ta hole huma, ta basta!