Segun directora di Stichting Monumentenfonds, Anne Witsenburg, e fundacion tin plannan grandi pa loke ta 2017.
A haya hopi actividad aña pasa. E aña aki a completa e restauracion di e faro y tambe di Nicolaas Store. Pa otro aña tin hopi plan, manera ya menciona. Plan pa actividad, pero tambe pa restauracion. Ta bezig cu Aruba Tourism Authority pa wak si nan por muda na un monumento mas central. Esaki ta e cuminsamento di e proyecto, cual ta un bon proyecto pa turismo pero tambe pa Playa. Tambe ta bezig na San Nicolas. Tin e Watertoren caba y Nicolaas Store, pero awor ta bezig pa wak si por cumpra Uncle Louis Store, restaura esaki pa verhuur, pa e departamento di cultura di Aruba.
E aña aki a haci tres aña caba cu a celebra e luna di monumento. Pero otro aña lo bay tin eleccion na September y lo bay bira e prome aña sin luna di monumento. Lo bay purba si por haya nan actividadnan den otro luna den 2017.
Ta bay haya e proyecto “Nos Herencia” na Maart. Tambe ta bezig cu un Torneo di golf na April y ta spera cu por haya e fiesta di cunucu fin di aña, Witsenburg a finalisa.