Diahuebs 13 di September 2018 Stichting MOBIS a organisa un reunion den Centro di Bario Brazil cu representante di tur Centro di Bario pa inicio di e proyecto di Online Administratie.
E proposito tras di e proyecto aki ta pa cada Centro tin mas control, transparencia, consistencia y eficiencia ora ta papia di e administracion di e centro.
Esaki lo wordo haci door di uza un sistema online unda cada miembro di directiva lo wordo enseña door di Henna Thode di HFT Treasury & Accounting Services con pa haci uzo di e programa.
Stichting MOBIS hunto cu e Centro di Barionan ta hopi contento pa por cuminsa e proyecto aki pa asina wak mehoracion den cada Centro di Bario.