Tin hopi problema social den famianan cu ta ser sinti den e muchanan na school pa cual un biaha mas representante di hoodchamps Sr. Elton Lacle ta splica kico ta pasando den nos comunidad.
Fundacion Hoodchamps di Hulanda a bin un biaha mas pa purba di set up un proyecto na Aruba y tambe pa reconoce Jurick Rasmijn, un di e muchanan cu a destaca aña pasa den Atletismo pa reconoce cu un potret di su persona.
E aña aki, Fundacion Hoodchamps a bin cu un meta y e biaha aki tin 156 regalo, cu un danki enorme na Kinderhulp Nederland y nan lo reparti e regalonan den e 5 diferente scolnan cu nan ta trahando cu nan. E fundacion ta haya nan informacion for di scolnan cual ta e muchanan cu ta bin na remarca pa yudansa di Fundacion Hoodchamps.
E fundacion ta yuda muchanan den necesidad, e scol tin un overzicht cu ta bin scol p.e. cu un sapato cu no ta echt netjes pa bin scol cun’e, of un mucha poco verwaarloos. Esaki ta e muchanan cu e fundacion ta haci nan best pa yudanan cu lo necesario pa pasa nan temporada escolar na un manera activo y contento y productivo.
Di e 156 regalo, ta 156 mucha cu e fundacion tin, Sr. Lacle cu a haya sa cu tin mas mucha cu a sluit nan mes aan na e scol. E fundacion tin regalo extra pa muchanan cu na principio no tabata riba lista pa yudansa.
Algun di e regalonan cu nan por haci uzo di dje na cas y tambe na scol. Hopi di e regalonan ta regalonan creativo pa e mucha. Scolnan cu kier bin den aanmerking pa yudansa por tuma contacto via email na [email protected]. Manda nan un email y asina e fundacion ta yega na e scolnan.
Sr. Lacle kier a gradici Sr. Edgard Erasmus, di iBisa, cu ta informa e fundacion cual ta e barionan na Aruba, unda e necesidad t’ey, mas cu otro cierto barionan. Asina Sr. Lacle a yega na scol Caiquetio y asina el a tene un reunion cu e docentenan di e scol aki y asina lo haci su maximo esfuerso pa yuda e otro scolnan tambe.