Sr. David Polanco, den nomber di Stichting Frank Polanco, a entrega un check simbolico na balor di Afl 9000,- na wela di dos mucha cu a bira huerfano.
Den e caso aki ta trata di dos yiu di Sra. Monica Carreño kende a fayece na luna di Juni. David Polanco ta haya e ayudo aki importante, pasobra e muchanan cu fayecimento di nan mama a perde cariño y a perde un persona cu tabata uza su entrada pa cuidanan. Y cu recaudamento di e fondo di e suma concerni , en todo caso por cubri e gastonan di cuido pa un cierto cantidad di dia. Sr. David Polanco a bisa cu pa loke ta e careda di 100 KM, specialmente e ultimo parti no tabata facil, pero cu sosten cu esunnan cu a core hunto cun’e a cubri e distancia completo. Y awor poco, poco, e curpa ta recuperando di e record haci. Na man robes di Sr. Polanco ta sinta Sr. Dorotaal y na banda drechi Sr. r De Lange kendenan tabata encarga cu coordinacion di e careda di 100 KM.
Nan a gradici esunnan cu a core hunto cu Sr. David Polanco y a bisa cu sin e sosten aki e lo no tabata posibel pa cubri e 100 KM . Un bunita gesto di Sr. David Polanco y un biaha mas pabien cu e record haci di 100 KM.