Keto bay e test di pecho di hende muhe ta importante pa keda duna charla pa cual aki Sra. Erita Werleman di Fundacion Bob ta splica tocante e charla na Centro di Bario Playa Pabao.
Ta importante pa Fundacion BOB ta wak bek ariba e prome aña di existencia di e proyecto aki di prevencion, caminda ya caba den un aña di tempo a invita 14 mil hende muhe pa haci test di pecho. Di esakinan lo elabora dia 8 di Maart, Dia Internacional di Hende Muhe y lo cuminsa pa 7 or di anochi.
E dia aki nan lo elabora con a bay, cuanto hende a wordo invita, cua ta e barionan invita, kico ta e factornan cu ainda tin bastante hende muhe cu no ta acerca ora nan wordo invita. Tambe e resultadonan cu tin. Algo cu ta masha cla, despues di 4 aña di e fundacion, cu nan ta salbando bida di hende muhenan.
Nan ta haci nan best pa bin cu un ciruhano oncologico, cu a trata e hendenan cu a wordo manda despues di checkeo na e Fundacion aki pa haci un test extra y wak si enberdad loke nan tin ta canceroso. Tambe Sra. Werleman a splica cu nan lo bin cu cifras y cu Fundacion BOB a bin pa keda ya cu nan ta bahando e chensnan pa haya e tratamentonan pisa y hopi duro.
Sra. Erita Werleman ta spera cu publico por atende, pasobra cu ta hopi importante pa sa, pa e hende muhe pa sa con su salud ta bayendo y no tin miho manera pa sa esey.