Directiva di Stichting Avondonderwijs Aruba (SAA) kier informa e comunidad di Aruba cu e aña aki lo tin 3 oportunidad pa inscribi y participa na e instaptoets di Avondmavo.E instaptoets aki ta papersonanan cu kier inscribi pa aña escolar 2025-2026,pero no ta cumpli cu loke ta wordo rekeri pa por drenta Avondmavo.
Pa mas informacion tocante eexigencianan por consulta e website di Avondmavo: www.avondmavoaruba.com.
Den caso cu no ta cumpli cu loke ta necesario pero ta desea di inscribi na Avondmavo e ora lo mester participa na e instaptoets. E instaptoets aki ta determina si bo lo por bin na remarca pa inscribi pa drenta klas 2 di Avondmavo den e aña escolar nobo.
Pa inscribi pa e instaptoets ta rekeri lo siguiente:
1. Un copia di un ID valido;
2. 25,- florin di inscripcion. E suma aki por wordo paga via banco of via swipe na oficina di Avondmavo. Number di banco: Aruba Bank 6028090190 . Please tene na cuenta cu no ta tuma efectivo (cash).Oradi paga via banco nota bo nomber completo.
Inscripcion ta tuma luga via nos website: www.avondmavoaruba.com
Tene cuenta cu e inscripcion ta completo ora tur documento ta uploaded.
Pa participa na e instaptoets por skohe un di e siguiente fechanan:
– 19 di maart 2025
– 9 april 2025
– 7 mei 2025
E instaptoets lo tuma lugar parti atardi/anochi na oficina di Avondmavo Oranjestad (situatie na EPI). .
Pa cualkier informacion por tuma contacto cu oficina di Avondmavo na telefoon: 583-3779 of via e-mail na [email protected]
Directoradi Avondmavo
